雷鼎鳴鬼拍後尾枕︰中國正是香港問題的根源

真係要多謝雷大教授六月五日的提醒︰倘與內地分離 港樓價跌九成。成句話反過黎講就係︰香港樓價因為大陸資金既影響overprice咗九成呀。香港樓根本唔值咁既價呀,明未?聽完雷教授的金石良言,相信未上到車的八九十後都搵到努力既方向,有樓既要放定繼續渣住,就自己決定。本土派既朋友,雷教授曲線讚緊你地既主張係啱既,要繼續努力啊。

基本上雷教授篇文,都係重彈中港經濟已經融合,密不可分既老調既「中港經濟融合論」。唔知雷教授係咪無上網太耐,「要不是大陸照顧你們論」好似皮已收咗好耐啦喎。不厭其煩,再post多一次大陸糞青答問FAQ,幫佢老人家update吓。

咁唯獨是有一樣野香港的確係依靠大陸既,雷Sir自己都鬼拍後尾枕講咗啦︰咪就係樓價囉。樓價真係可以解釋好多野 ― 可以解釋到點解儘管香港人要淪落到同大陸人爭床位、爭奶粉、爭學位,仍然擁抱所謂「普世價值」,要包容「同胞」,口嗌平反六四,建設民主中國,無非係等良心好過尐,又可以企係道德珠峰話你地班本土派排外、法西斯、希特拉。一箭三鵰,妙計妙計。突然醒起多年前黃成智話一定要當選,唔係驚無錢供樓,又係鬼拍後尾枕既經典之作。難怪反共三十年,一路走來,始終唔得。反共不成也就罷了,居然受利益驅使而和大陸人組成非神聖同盟,剝削港人應有權利資源,則為港奸所為。

中國對香港之殖民惡行可謂罄竹難書,其中尤其係金融海嘯後大印四萬億用黎所謂救巿,實質酬庸官僚階級,鞏固獨裁統治。肥了貪官,搞到官富民窮都不過係貴國內政,最仆街係以鄰為壑,利用聯匯制度之漏洞平價買起大量香港優質資產既同時,向香港灌注海量人民幣廢紙,美其名為人民幣國際化,實質搵香港人笨實。呢點相信大家都耳熟能詳。又難為有大量無知港人以為人民幣會上升直至永遠,大量換入廢紙。Reality will teach them a lesson.

中港分離,民族自決,乃大勢所趨。香港孤懸中國邊陲百多年少蒙中國之恩,仍能成為全球經濟中心,東南亞之文化首都,自有其生命力。百多年來中國政局動盪改朝換代不知凡幾,惟有香港屹立至今。窮則變,變則通,新加坡面對著不友善的馬來西亞,照樣無損其繁榮。復農興工,恢復香港整全經濟體系,相信要留待中港分離成功後才能實行。此刻暫且先促成第一步,再談其他。

雷大教授苦心撰文曲線撐本土,我們必定銘記於心。

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s