拎BNO,是認同香港

(以下這篇文章,源自筆者面書。這篇文章源自關於有熱心網友好心幫手製作BNO申請表格中譯指南,引來另一網友Hans Jürgensmeyer指責唔識英文,唔認同英國,就唔好學人申請BNO,又將這些申請者譏為「港蝗」。以下文章,旨在駁斥其謬論。)

之前既BNO爭議,令筆者看清唔少離地中產既嘴臉。有尐人認為拎BNO而唔識英文,唔認同英國,就等同「港蝗」,唔應該拎「英籍」護照。

首先,BNO只係一種「被閹割的英籍」,係當年英國人為解決香港前途問題,用法律手段專為香港人度身訂造出黎既四不像,目的係防止大量難民湧向英國本土。BNO與其說是「英籍」,不如話係「香港籍」更加貼切。夾硬將「被閹割的英籍」等同「英籍」,本身已是偷換概念,亂搬龍門。

BNO
第二,BNO係一九九七年前香港人被英國政府賦予既身份,係「終身有效」,同識唔識英文,認唔認同英國無關。話要識英文同認同英國先有資格拎BNO,明顯係不知國際法為何物既。做人唔好咁Chinese,人地大英帝國有既係帝國氣度,富有四海,唔會好似某尐小農咁,身在外國,仍滿腦子「愛中國」的思維。人地要既話,就會有入籍試,但BNO係無的。

第三,將拎BNO者稱為「港蝗」,並類比成走去外國入籍攞著數既大陸蝗蟲,又係該位仁兄一貫偷換概念既手法。香港人係被英國統治,透過被殖民既關係取得BNO,係被動; 大陸蝗蟲移民去外國R著數,係主動行為。兩樣咁基本,咁明顯既分別都分唔清,仲好意思學人搞咩「BN(O) 平權運動」?徒然貽笑大方。

第四,香港人如今紛紛拎BNO,係為證明自己係本土香港人,而唔係R著數。以為拎BNO會有著數者,只係果尐天真地以為「BN(O) 平權運動」會成功既天真嬌,又或者本著某種心態移居外地,再以自己既動機出發,以為其他人動機也是一樣既離地中產。

第五,香港人現在紛紛拎BNO,係無選擇之下既選擇(唔好同我講垃圾特區護照係選擇,佢連作為選擇既資格都無)。他朝香港成功獨立既話,本土港人身份得到鑑定之後,自然可以拎到「香港國」護照,而BNO這種雞肋亦將成為歷史遺物。

BNO life

第六,若果按果位離地中產既邏輯,台灣果批深綠 – 認為台灣應該獨立建國既人士,係無資格拎中華民國既護照,因為佢地唔認同中華民國。深綠認同既係尚未存在既「台灣共和國」,而中華民國既憲法同體制既來源係大陸時期既中華民國,憲法包含既領土係中共加台灣全境再加上部份被佔領的土地。

好明顯,若依照果位仁兄既邏輯,台獨份子係台灣正式正名立國,有自己既護照前,係無資格申請中華民國護照。按果位仁兄既講法,係寧願stateless,都要放棄中華民國護照。

將以上例子既深錄換成本土港人,將中華民國換成英國,你就會看到其邏輯的荒謬性。

第七,與其浪費時間精力係「BN(O) 平權運動」,不如獨立建國或自治。所謂爭取BN(O) 平權,講到尾,都係念念不忘外國既居留權,諗住一旦有事,就可以遠走他方,做個離地中產。世間無樂土,唯有本土尋,呢個係本土派同離地中產既最大分別。

第八,客觀黎講,「BN(O) 平權運動」係幫左中共一把。中共現行對港政策就係人口換血,種族清洗。以前中共吞併香港之前為左面子,亦因為無左香港人既合作,中共係無法接受香港這個現代城巿,故當年對居英權大力反對。時而世易,中共如今有信心用自己人駕馭這個現代城巿,所以本土港人自願離港,中共肯定樂不可支。

第九,對於本土運動方面,「BN(O) 平權運動」係抽緊本土運動後腳。香港如今既態勢,係已經去到要置諸死地而後生既地步。一支哀兵要打勝仗,就要將僅於既糧草焚毀,將退路的橋樑燒斷。平權運動徒然令香港人心存僥倖,削弱抵抗意志。

第十,咁當然,若果你拎BNO既目的係為左拎BC既話,咁果位仁兄講既野就係正確,亦只係響呢個情況之下,佢既講法係正確。咁就唔該你努力學習當地文化,同自己既前半生講聲byebye,盡力融入當地既社會,唔好比人譏為「港蝗」。

最後,一個遠走他方,早已取得外國居留權的人,請多花時間心力,融入外國社會,無謂浪謂時間走上FB用中文同原居地既人拉關係,咁樣做,就好似踎係唐人街既中國移民,好小農,好Chinese囉。忘記你既前半生,唔好再諗咁多原居地既事。免得好似《伊索寓言》裡面隻蝙蝠咁,豬八戒照鏡,裡外不是人。香港人既事,就等留係香港既本土香港人自己解決。離地中產和本土香港人,本來就係道不同,不相為謀。

2 thoughts on “拎BNO,是認同香港

  1. Pingback: 關於申請英國國民(海外)護照 (BN(O)) 的種種 | 白蓮達的心頁

  2. Pingback: 關於申請續領英國國民(海外)護照 (BN(O)) 的種種 | 白蓮達的心頁

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s