左膠係如何煉成的?

大陸留學生車禍事件,又有一班不甘寂寞既左膠撲出黎,搶soundbite,搏光環,慌死人唔知自己企係道德高地,乘機抹黑香港本土論述,香港人道德幾咁敗壞。

左膠係如何煉成的?

食飽無憂米既生活環境 + 半桶水既理論思維 + 自我膨脹式悲天憫人 = 左膠

left plastics

因為食飽無憂米,所以才夠格從高處睥睨眾生,對同係香港人承受緊既痛苦視而不見,對佢地黎講,佢地唔係食開粥粉麵飯,佢地食開既係道德撚供奉既香火。只有呢種人,先至講得出this is all about determination!

因為讀書做學問只得半桶水,左膠知道自己硬橋硬馬同人玩學術辯論,輸硬。於是佢地既策略,就係轉去用一堆無人明既學術詞彙暪騙尐愚夫愚婦,同霸佔主流媒體版面。呢方面既策略,曾經一度幾成功,直到港中衝突導致香港人同入侵者既矛盾激化,班左膠既語言化妝術,語言易容術徹底敗露,先令呢班賣港賊既面目原形畢露。

基本上左膠一大堆後現代理論琅琅上口,不過係拾美國反資本主義班左翼既牙慧,就等如一班著住猿人T認為自己好型既潮童無分別。佢地認為講風涼話,「以抽離既角度,係XX主義/理論下去整體地審視呢套論述」,就係好型好潮既表現。

自我膨脹式悲天憫人。左膠一方面鍾意將有利大陸人損害香港人既政策歸咎於執政者同整體社會,祭出「大陸也有好人論」,去到好似今次大陸留學生車禍事件,就急不及待撲出黎抽水,指責少部份幸災樂禍既香港人(有些更疑似是五毛所扮)的個體責任。一時將個體責任放大,有需要時將另一群人的個體責任縮細,就係左膠既必殺技: 亂搬龍門大法。

之所以佢地既價值咁混亂,係因為呢班蛋頭從來都唔知道個體係社會既定位,個人既力量同責任可以去到邊度。因為呢班友既生活經驗通常好有限,好多都未打過工,圈子裡面都係同一堆圍威喂既「社運份子」,佢地係拿捏唔到一個人係社會入面既份際,所以就會有兩種表現: 1) 自我膨脹式悲天憫人,覺得自己做每一件事都係拯救緊呢個世界,拯救緊香港,漸漸就變成事事要撲出黎爭奪光環; 2) 做評論時對個體責任的態度,係隨自己既觀點喜好同論述需要而任意扭曲。

今日全世界右翼思潮興起,可以話係對戰後幾十年來左翼運動既反撲/清算。左翼份子係發達國家推動文化多元,族群融合太過火,終於隨著世界經濟不景,引起強烈反彈。當鐘擺過於偏向一邊,其反作用力必然會將它盪向另外一邊。這就是一陰一陽之謂道。

所以說回筆者自己,從來不會是die hard右翼,更絕不會容忍自己變成左膠。筆者相信的,是陰陽循環往復之道。

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s