你的朋友就是你

依家做官,臉皮夠厚就得。話知你日日鬧爆群眾聲討,好官我自為之。家人的親戚原來是自己的兒子都講得出,果然你的朋友,就是你。

對港奴的急公好義向來不存厚望,即管占吓囤地波會否落台︰

2013年7月24日2時20分

癸巳年己未月辛卯日己丑時          午未空     大暑午將

日干上卯發用為天后亦為財,不為財利,即為女人,合乎囤地波因利益衝突而引起醜聞之象。最抵死係囤地波又拎老婆出黎做擋箭牌,發用一個卯字亦有此象。辛金為日干加於支上,贅婿課,贅婿即係入贅女家,身不由己,事事要靠女人,有事由老婆出黎頂。

至於嗌波叔落台既香港人,你地可以慳番啖氣(所以我一張波叔圖都無share過) ,今次波叔就算表面上落台,之後一樣會番黎撈。斫輪課,金加木上,本主根基動搖,退官失職之象。港共政權根基動搖咗好耐,不過香港人欠缺革命意志,呢種革命將要爆發而未發既現象睇怕仲要繼續落去。課傳回環,三傳在四課之上,代表去而復返,波叔就算表面落台,最後都會鬼鬼崇崇咁返黎。又為不備課,要佢落台既民氣同條件尚未足夠。又三傳天將皆生支神,囤地波有人撐。末傳為日干之墓,似會龜縮一排。

總結黎講,囤地波可能同林奮強一樣,等梁振英叫佢放大假,等件事丟淡之後圖謀再起。

請君容易送君難

話說筆者的工作經常要面對客人,有試過遇著飲到啤啤夫走來的,當然也有不少橫蠻無禮,眼珠轉啊轉想著如何鑽漏洞搵著數出古惑既強國人,都儘量技巧待之,話哂過門都係客,大家好來好去。至於大吵大鬧到要勞煩實Q哥哥出動送走的還真算少有,早兩日就遇到。

當下起一六壬課,睇下班友會唔會繼續鬧事︰

2013年7月16日4時20分       癸巳年己未月癸未日庚申日     申酉空      夏至未將

以課論課,四課上下皆無克,取遙克,即癸克巳發用。巳為第四課,為驀越,事出突然。巳為雙數,人數為雙。三傳巳辰卯為退連茹,當中無空亡,故能順利 送走。兼且當日驛馬為巳發用,夏占氣旺,巳又為太歲,驛馬蓄勢待發。送走的時間,取與發用巳相合之申時,即起課之時辰。果然當時順利送走。

占例回顧︰2012香港特首雙英戰

呢篇係舊事回帶,對玄學術數無興趣者可以略過。

2012年特首選舉撇開其深遠既政治意義唔講,但在術數界來講的確係一場災難。呢場 選舉就拆咗唔少出名風水佬既招牌,搞到一地眼鏡碎。真係要多謝互聯網既發明者,你講過尐乜做過尐乜通通都有track record。風水佬以前就呃你十年八年,依家就無呢支歌仔唱。羅庚都拎錯既就固然唔使講,好多平日牙擦擦既諗住西瓜靠大邊實無死,結果買大開細。術數風 水行業同香港其他行業一樣,都係太多精仔。

以下呢個占特首選舉既占例,取自術數師之風論壇一位名叫aheii既易友。六壬盤如下︰

2011年11月28日7時50分     辛卯年己亥月丁亥日甲辰時  午未空  小雪寅將

事後該易友話「支卦都係唔得」。小弟本著研究心態,試下解呢一課。

一般黎講,以日干為現任,日支為挑戰者。此例即以丁為現任亥為挑戰者。何俊仁大家都知 輸硬,不作考慮。然則問題係呢次特首選舉無論唐梁都未做過特首,而且唐梁皆為建制中人(唐當時為政務司司長,梁為行政會議召集人),以唐為干,梁為支,好 似有問題喎。夾硬拗既話,你可以話唐參選前為政務司司長,都叫做響特首外訪時署任過既。若按此思路,則代表唐英年既丁上為巳,為空亡又乘天空,畢法賦云︰ 「空上乘空事莫追」,敗象已呈。三傳酉未巳,只有酉不落空亡,酉為亥上神,則以梁振英當選無疑。

若抛開干支論法,就要睇唐梁二人年命。唐為1952年生,梁為1954年生。2011年之行年,唐為丑,梁為亥。丑上見亥為貴人,亥上見酉為太陰。以2011年兩人行年計,難以判斷邊個贏。

由於特首選舉係2012年立春後,用兩人2012年既用年睇,就清楚得多。是年唐為 寅,梁為子。唐為寅,寅上見子,天將為螣蛇,蛇乘子為入海,意謂潛水不見影縱。而梁為子上見戌,天將為天后,戌為河魁有考試高中之意,天后為恩澤,更兼兩 貴夾行年(亥為貴人,酉為太陰但於丁日亦為簾幕貴人),故許梁振英當選。

動善時

呢個網叫得做「協紀辨方」,開張時間當然要揀一揀。《老子》第八章都有講︰動善時嘛。出第一篇文之前,先起個六壬盤睇睇先︰

呢個盤,唔可以話好好,尤其係求財方面就唔使諗啦。呢一課如果依書直說,就係利做緊官既人,唔利普通人。尤其係官殺合成木局攻身。就所占之事黎講,似乎呢度將會客似雲來,不過開片嗌交似乎少不免,有人糾眾踢館亦唔出奇。

驛馬見於四課之末,係心血來潮臨時即興之舉。中傳卯為生炁,亦如我第一個post所講,生氣勃勃,一味熱血也。畫夜貴人同時上傳,莫非有所指?官殺 攻身賴日上午之青龍來生,午逢空亡難免有隱憂,午者文章也,不排除行文不留神,比人有位入。幸好係夏季之占,輾轉化官殺生身,所憂者所謀多拙逢羅網,開站 日久難免會就住就住,未必能暢所欲言也。

整體黎講呢個時間唔算好好,但尚算可用。於是第一個post係急就章下寫成(註︰之前個時辰麻麻,之後睇唔切),其實係先寫一半post出黎,後寫一半再republish。

寫咁多為乜?純為立此存照,睇吓所學究竟有用無用啫。術數雖為小道,但咩叫中華文化?此之謂也。如果閣下立志做大中華膠,當然係閣下既自由,不過事前了解吓咩叫中華文化,同本土派開片時或者會有幫助既。

始終日嗌夜嗌包容唔同文化,原來只係包容走私奶粉大米,係公眾場所大小異便呢挺文化,Sorry,崇優鄙劣既天性同我講,“Now, if I was a gentleman, I wouldn’t want to know.”